Қайрат Боранбаевқа тиесілі мұнай компаниясы мемлекетке қайтарылды
Қайрат Боранбаевқа тиесілі Phystech II мұнай компаниясы толығымен мемлекет балансына өтті.
Алматы, NEGE. KASE сайтындағы хабарламаға сәйкес, 1 шілдедегі жағдай бойынша Phystech II АҚ жалғыз акционері — Қаржы министрлігінің мемлекеттік мүлік және жекешелендіру комитеті.
Қаржы министрлігі 35 млрд теңгеге бағаланған бұл кәсіпорынды енді аукцион арқылы сатпақ. Компания акцияларының жалпы саны 18,5 млн дана. ОНың 13 749 100 данасы сатылымға қойылған.
Заңсыз алынған активтерді елге қайтару жалғасып жатыр. Бас прокуратура жанынан құрылған арнайы комитет биыл 325 миллиард теңгенің дүниесін елге қайтарды.
