«Қатыгездік» – Аида Балаева Сара Назарбаеваның өліміне қатысты ақпаратқа пікір білдірді

Алматы, NEGE. Бүгін Ақорда кулуарында журналистер министрден осы ақпаратқа қатысты пікір білдіруін сұрады.

«Емделіп жатқан адамға тым қатыгездік таныттық. Шынымды айтсам, мен өзім нақты білмеймін, ол адамның жеке өмірі, отбасына қатысты жағдай. Тұңғыш президенттің отбасы екені түсінікті, бірақ өлім туралы ақпарат тарату – қатыгездік. Бұл ақпаратты баспасөз хатшысы жоққа шығарды және ол дұрыс жасады. Әрқашан сенімді дереккөздерге сүйену керек», – деді Аида Балаева.

Естеріңізге сала кетейік, бұған дейін желіде Сара Назарбаеваның қайтыс болғаны туралы ақпарат тарап кеткен еді. Кейін Нұрсұлтан Назарбаевтың баспасөз хатшысы Айдос Үкібай «Сара Алпысқызы қайтыс болды» деген ақпаратты жоққа шығарды.