Қатерлі ісікті жеңуге болады
Қатерлі ісікті жеңуге болады. 2017 жылы жатыр мойны қатерлі ісігінің ІV сатысына шалдыққан Гүлнәр Дастанқызы бүгінде дертінен құлан-таза айыққан. Оның айтуынша, Қазақстан медицинасы қатерлі ісікті емдеуге қауқарлы.
Алматы, NEGE. «Бір жыл бойы қаншама химиятерапия, 42 сәуле терапия алдым. Емделетініме сендім. Кейбіреулер қатерлі ісіктің ІV стадиясындағы науқастар мүлдем емделмейді дейді. Олай емес. Әр адам денсаулығына жауапкершілікпен қарау керек. Скринингке келіп, тегін қаралуы тиіс. Талай жыл шетелде жүрсем де, дертті елімізде анықтады. Осылайша, өз Отанымда емделіп, жазылып кеттім. Мемлекет біздің қамымызды ойлайды. Мұны айту керек. Сауығып кету адамның ішкі рухына байланысты. Міндетті түрде диета сақтап, салауатты өмір салтын ұстануы керек», – дейді.
Гүлнәр Дастанқызы қатерлі ісікті жеңуге диета көмектескенін айтады. Ол ас мәзірінде көбінесе көкөністі тұтынған. Әрқашан ағзаны тазартып, дәрумендер ішуді әдетке айналдырыпты.
