Kaspi.kz тарифтер мен қызмет көрсету шарттары өзгермегенін хабарлады
Желіде Kaspi.kz тарифтері 10 мың теңгеге дейін өскені туралы ақпарат тарады.
Компания өкілдері бұл ақпаратты жоққа шығарып, мұндай сыбыстың шығуына тарифтер туралы құжаттың дұрыс түсіндірілмегені себеп болғанын мәлімдеді.
«Клиенттеріміз бен серіктестеріміз үшін тарифтер мен қызмет көрсету шарттары өзгерген жоқ.
Желіде Kaspi.kz тарифтері: Kaspi Gold-қа жылдық қызмет көрсету және оны қайта шығару құны, Kaspi Pay шарттары және басқа банктердің карталарына ақша аударғаны үшін комиссия өзгерді деген ақпарат тарады.
Бұған Қазақстан Республикасы заңнамасына сай шекті мәндері көрсетілген тарифтер туралы жаңартылған заңды құжаттың дұрыс түсіндірілмегені негіз болған», – делінген компания хабарламасында.
Kaspi.kz өкілдері қандай да бір өзгеріс туралы алдын ала және ашық түрде хабарлайтынын атап өтті.