Кәсіпкерлерге 7 млн теңге айыппұл салынды
Ақтөбеде мобильді топ кәсіпкерлік субъектілерін жоспардан тыс тексеріп жатыр.
Алматы, NEGE. 5 шілдеден бастап құрамына облыстық тауарлар мен көрсетілетін қызметтердің сапасы мен қауіпсіздігін бақылау департаментінің мамандары енген мобильді топ тексеру жүргізіп жатыр. Барлығы 745 нысан қамтылды. «Тексеру кезінде 47 хаттама толтырылып, жалпы сомасы 4 миллион теңгеге жуық айыппұл салынды. Қалған материалдар қаралу үстінде. Бұл бағыттағы жұмыстар жалғаса беретін болады. Облыстық тауарлар мен көрсетілетін қызметтердің сапасы мен қауіпсіздігін бақылау департаменті коронавирус инфекциясының алдын алу, қоғамдық орындарда бетперде тағу, қолды жиі жуу, антисептиктерді пайдалану және әлеуметтік дистанцияны сақтау талаптарын орындауға шақырады.
Фармацевтика саласын тексеру кезінде 30 әкімшілік іс қозғалды. Ірі кәсіпкерлік субъектісіне 7 миллион теңге, шағын кәсіпкерлік субъектісіне 277 800 теңге көлемінде әкімшілік айыппұл салынды. Барлығы 16 шағын кәсіпкерлік субъектісі 3 миллион теңгеге жуық айыппұл төлейді», - деп хабарлады тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.