Қасақана кісі қаққан ағайындыларды қамау ұзартылды
Көшедегі кикілжің кезінде кісі қаққан Дінмұхамед Әлікеевтің қамау мерзімін қалалық сот тағы да бір айға ұзартты.
Алматы, NEGE. Қылмыс болған кезде «Toyota Avensis» мәшинесінің рөлінде болған Дінмұхамедті бұдан бұрын 16 қыркүйек пен 16 қазан аралығына дейін қамауда болуына шешім шыққан еді. Бұған дейін, оның туған ағасы Жандос Әлікеевке де сот санкциясы ұзартылған. 1995 жылғы Жандос Әлікеев қылмыс болған кезде «Toyota Camry» көлігімен кісі қаққаны үшін, оған «кісі өлтіруге ұмтылу» бабы бойынша айып тағылып отыр.
Естеріңізге сала кетейік, 2019 жылдың 26 тамызы күні таңғы 5-тер шамасында Алматы қаласы Бостандық ауданына қарасты Гагарин көшесінің бойында ағайынды жігіттердің өз көліктерімен қасақана кісі қағу оқиғасы желіде қызу талқыға түскен.
Бұдан бөлек, ағайындылар мінген көліктердің бірі бұған дейін есірткі қолдану ісіне де қатысы бары анықталған.
