Қаржы пирамидасынан зардап шеккендердің 8,3 млрд теңге шығыны өтелген
Өткен жылдың өзінде 29 қаржы пирамидасы жойылып, зардап шеккендерге 8,3 млрд теңгенің шығыны өтелді, деп хабарлайды Қаржы мониторинг агенттігі.
Алматы, NEGE. Азаматтардың алаяқтық схемаларға тартылуының алдын алу үшін олардың қызметін жарнамалайтын 13 000 интернет сілтемелері мен аккаунттары бұғатталды.
Қазірдің өзінде алаяқтыққа тартылған азаматтарға 19 000 ескерту жіберілді. Нәтидесінде 15 000 азамат қауіпті аккаунтардан шығып, түбегейлі бас тартты.
Дегенмен, азаматтар өздеріне керемет табыс ұсынатын адамдарға сеніп, жинақтарын күмәнді схемаларға салуды жалғастырып жатыр.
