Картопты Қазақстаннан шығаруға шектеу енгізілді
Ауыл шаруашылығы министрі Қазақстаннан жаңа піскен және тұқымдық картопты шығаруға шектеу енгізу туралы бұйрыққа қол қойды.
Алматы, NEGE. Бұйрық 2022 жылғы 22 ақпаннан күшіне енеді және 2022 жылғы 1 мамырға дейін қолданыста болады.
Құжатқа сәйкес, жаңа піскен картопқа 144 500 тонна, тұқымдық картопқа 57 500 тонна квота белгіленген. Сандық шектеулерді (квоталарды) бөлу ережелері де бекітілді.
Ауыл шаруашылығы министрлігі шектеу енгізілген күннен бастап бір жұмыс күні ішінде өз интернет-ресурсында 2022 жылғы ақпан-сәуірде республика аумағынан тауар шығаруға квота алуға өтінім қабылдау басталатынын жариялайды.
Министрлік квота көлеміне байланысты бір өтінім берушіге 3 мың тоннадан аспайтын мөлшерде тауар шығаруға шекті лимит белгілейді.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
