Қарсыласын нокаутқа түсірген экс-чемпион Головкинді жекпе-жекке шақырды
Британиялық боксшы кіші Крис Юбенк қазақстандық Геннадий Головкинді кезекті рет жекпе-жекке шақырды, деп хабарлайды Vesti.kz.
Алматы, NEGE. Ұлыбританияның Манчестер қаласында өткен бокс кешінде Юбенк отандасы Лиам Смитті екінші раундта нокаутқа түсірді. Бұл IBO чемпионы болған Юбенктің сәтті қарымтасы болды. Қаңтарда өткен алғашқы айқаста Смит оныншы раундта Юбенкті нокаутқа түсірген еді.
"GGG-мен айқасқым келеді. Қазір қайда екенін білмеймін, бірақ Геннадий қайда болсан да - бұл титулдар сенің қолында көп тұрып қалды. Мен олардың бірін алып, сені жеңгім келеді", - деп береді Юбенктің сөзін "Спорт Шредингера".