Қарындасын қорғаған: Жас чемпионды он адам жабылып ұрды

Алматы, NEGE.Оқиғаның мән-жайын зардап шеккен спортшының анасы айтып берді. Оның сөзінше, самбошы жігіт 6 және 14 жастағы қарындастарын қорғаған екен. Қыздар қарбыз турап, оны демалушыларға тегін ұсынған. Жағажай қызметкерлеріне бұл ұнамай қалған көрінеді. Олар қыздарға зіркілдеп дауыс көтерген, мұны көрген ағасы араға түскен.

Осыдан кейін спортшы жұдырық ала жүгірген үш адамды құлатып тастаған. Артынша оған тағы он адам жабылып, таяқ және арматурамен сабап тастаған. Оқиғадан кейін спортшы жансақтау бөліміне түскен екен. 

Қазіргі таңда полиция тергеу жүргізіп жатыр, төбелеске қатысы барлардың бірі ұсталыпты. Зардап шеккен 23 жастағы спортшы самбодан Минск чемпионы екені белгілі болды, алайда, аты-жөні айтылмады.