Караванинг-экспедиция жайлы не білесіз?
«Kazakh Tourism» ҰК» АҚ төрағасы Ержан Еркінбаев осы жылдың қыркүйек айында эпидемиологиялық ахуал тұрақталған жағдайда елде караванинг-экспедицияны ұйымдастырылатынын мәлім етті.
Алматы, NEGE. «Індет тарағалы бері демалудың әлеуметтік қашықтық сақталатын түрі ретінде караванинг-туризм зор сұранысқа ие болып келеді. Мәселен Қытай мен Ресейде автоүйлер мен мотоциклдерге деген сұраныс кезегінде 10 миллиондаған адам тұр. Ал Еуропада 6 миллионға жуық автокеруен бар. Осы жылдың қыркүйек айында эпидемиологиялық ахуал тұрақталған жағдайда біз караванинг-экспедицияны ұйымдастырғалы отырмыз. Оның мақсаты – кемпинг, караваниг пен автотуризмді дамыту үшін Жібек жолы бойы бағдарын қалыптастыру», – деді Ержан Еркінбаев ОКҚ-да өткен баспасөз мәслихатында.
Оның айтуынша, Батыс Еуропа – Батыс Қытай караванинг-экспедицияның бағдары ретінде таңдалып алынған. Экспедиция Алматы облысынан басталып, Түркістан облысында аяқталады.