Карантинде түнгі клуб жұмыс істеген
Атырауда карантинге қарамастан түн ортасына дейін жұмыс істеген түнгі клуб пен дәмхана анықталды.
Алматы, NEGE. Облыстық полиция департаменті баспасөз қызметінің мәліметіне сүйенсек, Атырау қаласының Авангард-2 ықшамауданында орналасқан көңіл көтеру орны түнгі сағат 01:00 шамасында клиенттерге қызмет көрсеткен.
«Тәртіп сақшылары келген кезде түнгі клубта 100-ге жуық клиент болған. Осы ықшамаудандағы тағы бір дәмхана түн ортасы ауғанша жұмыс істегені анықталды. Аталған нысандардың иелеріне қатысты жинақталған құжаттар Атырау қалалық тауарлар мен қызметтердің сапасы мен қауіпсіздігін қадағалау басқармасына жолданды» – деді департаменттің баспасөз қызметі.
