Карантин тағы жеңілдейді
Алматының бас санитар дәрігері Жандарбек Бекшин Алматыда карантинді жеңілдетудің үшінші кезеңі қашан басталуы мүмкін екенін айтты.
Алматы, NEGE. Бекшиннің айтуынша, Денсаулық сақтау министрлігі карантинді жеңілдету туралы одан әрі шешім қабылдау кезінде ескеретін көрсеткіштерді бекітті.
«Бұл соңғы аптадағы ауру мен өлім көрсеткіші, инфекция коэффициенті, тәуліктік өсім. Осы деректерді ескере отырып, біз шешім қабылдаймыз. Бүгінгі таңда карантин ережелерін тағы да жеңілдетудің алғышарттары бар. Алайда жағдайды бақылап, дұрыс шешім қабылдау үшін кем дегенде бір аптадағы көрсеткіш тұрақты болуы қажет», – деді ол.
