Қарағандыдағы ең үлкен базар өртенді
Қарағандыда түнде қаланың ең үлкен базарында өрт шықты. Жалын үш фастфуд кафесін шарпыды. Өрт аумағы 500 шаршы метрді құрады.
Алматы, NEGE. 28 ақпан күні сағат 01:03-те Қарағанды қаласы Затаевич көшесіндегі ғимаратта өрт шыққаны туралы хабарлама келіп түсті.
«Алтын Арба» базарының аумағында тез тамақтануға арналған үш дәмхананың ағаш қаптамалары, жылытқыш материалдары, жиһаздар, жабдықтар және асханалық керек-жарақтары жанды. Өрттің жалпы ауданы - 500 шаршы метр. Қаза болғандар мен зардап шеккендер жоқ. Өрт 01:52-де сөндірілді», - деп хабарлады Қарағанды облысы ТЖД баспасөз қызметі.