Қарағандыда жылу желісіне соғылған жүк көлігі қар жинауға шыққан
Бүгін Қарағандыда жүк көлігі жылу желісіне соғылып, құбырды зақымдады. Салдарына бірнеше көше жылусыз қалды.
Алматы, NEGE. Жылу желісіне соғылған жүк көлігінің қар жинауға шыққаны белгілі болды. КАМАЗ «Тазалық эксперт» ЖШС-не тиесілі.
«22 желтоқсан сағат 04.30-да КАМАЗ автокөлігінің 47 жастағы жүргізушісі көктайғақ жағдайында Гоголь көшесі бойымен ашық бортымен жүріп келе жатып, қажетті аралықты сақтамай, көлік құралының өлшемін ескермей, жылумен қамтамасыз ету құбырымен соқтығысқан. Апат салдарынан көлік құралы мен құбырға механикалық зақым және материалдық залал келді. Жүргізушіге Әкімшілік заң бұзу туралы кодекстің 610-бабы 1-бөлігі бойынша хаттама толтырылды және шешім қабылдау үшін материал сотқа жіберілді», - деп хабарлады Қарағанды облысы ПД баспасөз қызметі.