Қарағандыда пәтерлердің бірінен 18 және 15 жастағы екі жігіттің мәйіті табылды
5 желтоқсанда Қарағанды қаласындағы пәтерлердің бірінен екі тұрғынның мәйіті табылды. Бұл ақпаратты облыстық полияция департаменті растады.
Астана, NEGE. Полиция өкілдерінің мәлімдеуінше, марқұмдардың денелерінде зорлық-зомбылық белгілері анықталмаған.
«18 және 15 жастағы екі тұрғынының мәйіті табылуына байланысты қылмыстық іс қозғалды.
Қазіргі уақытта полиция оқиғаның барлық себептері мен мән-жайларын анықтау үшін кешенді тергеу әрекеттерін жүргізіп жатыр. Істің барысы Қарағанды облыстық полиция департаменті басшылығының қатаң бақылауында», – делінген полиция хабарламасында.
Тексеру нәтижелері мен тергеу амалдарының қорытындысы бойынша қолданыстағы заңнамаға сәйкес тиісті процессуалдық шешім қабылданады.
