Қарағандыда өрт кезінде 15 адам, оның ішінде 8 бала эвакуацияланды
Қарағанды қаласының Әлихан Бөкейхан атындағы ауданындағы «Восток» шағын ауданында бес қабатты тұрғын үйдің бірінші қабатындағы пәтерден өрт шықты, деп хабарлады Төтенше жағдайлар министрлігі.
Алматы, NEGE. Құтқарушылар оқиға орнына жедел жетіп, пәтер ішіндегі жиһаздың жанғанын анықтады. Түтінге толған үйден барлығы 15 адам, соның ішінде 8 бала баспалдақ арқылы қауіпсіз жерге шығарылды. Бұдан бөлек, тағы екі тұрғын арнайы құтқару қалпағының көмегімен эвакуацияланды.
– Өрт сөндірушілердің жедел әрекетінің арқасында тілсіз жау шағын аумақта оқшауланып, толық сөндірілді. Қаза болғандар мен зардап шеккендер жоқ, – делінген министрлік хабарламасында.
Өрт шыққан пәтер иесі құтқарушыларға кәсібилігі мен жедел қимылы үшін алғыс білдірді. Төтенше жағдайлар министрлігі азаматтарды өрт қауіпсіздігі ережелерін қатаң сақтауға шақырады.