Қарағандыда мысығын құтқармақ болған бала балконнан құлап кете жаздады
Қарағандыда 10 жастағы мектеп оқушысы үшінші қабаттан құлап кете жаздады.
Астана, NEGE. Баланың балконда тұрғанын көрген көршісі дереу құтқарушыларды шақырған.
Сөйтсе, мектеп оқушысы мысығын өзі құтқармақ болған. Алайда құлап, балконның ернеуінен ұстап қалған.
Құтқарушылардың айтуынша, мысық балконнан бір қабат жоғарыда болған. Олар баланы жерге қауіпсіз түрде түсіріп алды. Медициналық көмек қажет болмаған, тек бала қатты қорқып қалғанын айтқан.