Жаңа жылға дайындық: Қарағандыда хайуанаттар бағын безендіруге 18,6 миллион теңге жұмсалады
Жақында БҚО әкімі Нариман Төреғалиев Жаңа жылды тойлауға 28 миллион теңге бөлінгенін хабарлаған болатын.
Алматы, NEGE. Айтуынша, қаражат облыс орталығы мен барлық 12 ауданды қоса алғанда, бүкіл облысқа бөлінген.
Фото: t.me/negeaqsha
Осы ретте таң қаларлық жағдайдың шеті шықты. Nege Aqsha телеграм каналының хабарлауынша, Қарағандыда тек хайуанаттар бағын безендіруге 18,6 миллион теңге жұмсалмақ. Басында біз бұл соманы жыл бойы өтетін барлық мерекеге бөлінген қаражат шығар деп ойладық. Кейіннен олай емес екеніне көзіміз жетті.
Фото: t.me/negeaqsha
Техникалық тапсырысқа сәйкес, аталмыш қаражат тек жаңа жылдық әшекейлерге жұмсалады. Олар: шыршалар, гирляндтар, безендірілген әшекейлер, сондай-ақ ойыншықтар.
Жеткізуші шартқа қол қойғаннан кейін 15 жұмыс күнінде тапсырысты аяқтауы керек. Ол Жаңа жыл қарсаңына тура келіп тұр.