Қарағандыда балабақша өртенді
Қарағанды қаласында жеке меншік балабақшалардың бірінен өрт шықты.
Алматы, NEGE. Жертөледе 1 ш.м. аумақта электр қалқанының автоматы жанғаны белгілі болды.
Құтқарушылардың жедел әрекеттерінің арқасында өрт жедел сөндірілді. ТЖМ күштері түтінді ғимараттан 88 адамды, оның ішінде 82 баланы тез арада эвакуациялады.
Оқиға орнында балаларды жылыту үшін вахтовкалар жұмылдырылды. ТЖД психологтары мен ҚР ТЖМ АМО дәрігерлері болды. Медициналық көмекті ешкім қажет етпеді.
Бұған дейін Петропавл қаласында Сәтбаев көшесінің бойындағы стадион маңында өрт шығып, «Жастар» стадионының жабық футбол манежі толықтай жанып кеткенін жазған болатынбыз.
