Қарағандыда 56 жастағы тиктокер әйел болып киініп, балалармен таныспақ болған
Қарағандының 56 жастағы тұрғыны әйел болып киініп, әлеуметтік желіде құқыққа қайшы мазмұндағы бейнематериалдар жариялағаны үшін қамауға алынды.
Астана, NEGE. Полиция қызметінің хабарлауынша, Еркен Жантықпаев TikTok әлеуметтік желісіндегі белсенділігімен танымал болған.
Полиция қызметкерлері азаматтың әрекеті заң талаптары мен қоғамдық тәртіпке қайшы келетінін атап өтті. Мұндай әрекеттерге құқықтық баға беріліп, заңнамада көзделген жауапкершілік шаралары қолданылады.
«Бұл дерек бойынша полиция тарапынан тиісті шаралар қабылданды. Сот қаулысымен азаматқа 10 тәулік әкімшілік қамау жазасы тағайындалып, ресми ескерту жасалды», – делінген ведомство хабарламасында.
Қазіргі уақытта Еркен Жантықпаев әлеуметтік желілердегі аккаунттарын жойған. Ол полиция бақылауында болады. Ескерту талаптарын қайта бұзған жағдайда, стример қолданыстағы заңнамаға сәйкес неғұрлым қатаң жазаға тартылуы мүмкін.