Қарағанды тұрғыны ойын клубына ойыншық мылтықпен шабуыл жасағаны үшін бес жылға сотталды
Қарағандыда ойын клубына ойыншық тапаншамен шабуыл жасап, төрт миллион теңгеге жуық ақшаны тонап кеткен жергілікті тұрғынға сот үкімі шықты, деп хабарлайды Zakon.kz.
Алматы, NEGE. Сотталған азамат бұл мекеменің тұрақты клиенті болған. Оқиға болған күні ол туысының көлігін сатып, түскен ақшаны бермей, ойын клубына барған. Ол ойынқұмар болған. Сол күні ол көліктен түскен үш миллионды түгел ұтқызып жіберген.
Ұтылғаннан кейін көп ұзамай ол мекемеге қайта келіп, қызметкерлерді қарумен қорқытып, шабуыл жасаған. Кейін қаруы ойыншық екені белгілі болды. Алайда қылмыскер муляждың көмегімен кассадағы 3,9 миллион теңгені алып, қашып кеткен.
Полицейлер қылмыскерді тез арада қолға түсірді. Қазыбекби аудандық сотының үкімімен сотталушы 5 жылға бас бостандығынан айырылды. Бұған қоса ол ойын клубына 3 миллион 900 мың теңгені қайтарып берді.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
