Қарағанды полицейлері Нұрсұлтан Назарбаевқа 1 миллион теңге төледі
Қарағанды облысының полиция департаменті лейтенант Нұрсұлтан Назарбаевқа жұмыстан негізсіз босатқаны үшін 923 мың теңге өтемақы төледі.
Алматы, NEGE. Қарағандыда Қазақстанның экс-президенті Нұрсұлтан Назарбаевпен аттас азамат тұрады және ол ішкі істер органдарында қызмет етеді.
2020 жылы Назарбаев 13 және 27 сәуірде жұмысқа келмегені үшін қызметінен босатылды. Алайда ол облыстық Полиция департаментін сотқа берді. Тергеуші оның жұмысқа денсаулығының нашарлауына байланысты келмегенін анықтады.
Сот отырысы барысында полицияның бұрынғы әріптесіне қатысты жасаған хаттамалары мен қызметтік тергеудің қорытындысын тексеріп шықты.
Сараптама барысында қолдан жазылған жазбалардың әртүрлі қаламмен жазылғанын және әртүрлі принтерден басып шығарылғанын анықталған. Сот нәтижесі Назарбаевтың пайдасына шешілді.
– Қазіргі уақытта Нұрсұлтан Назарбаев Қарағанды қаласы полиция басқармасы Орталық полиция бөлімі тергеу бөлімшесінің тергеушісі, аға полиция лейтенанты болып қызметін жалғастырып жатыр, – деді облыстық ПД бастығының орынбасары Ерлан Байженов.