Қарағанды облысында 30-ға жуық адам эвакуацияланды
25 наурызға қараған түні Қарағанды облысы Осакаров ауданында жергілікті маңызы бар «Приишимское ауылы - Шоқай кенті» тас жолдың бойында жолаушылар мінген автобус қар құрсауында қалған. Астана-Алматы бағытымен келе жатқан автобус Осакаровкадан 50 шақырым жерде тоқтаған.
Алматы, NEGE. Оқиға орнына ТЖД күштері жіберілді.
Өрт сөндіруші-құтқарушылар автобустан 28 адамды, оның ішінде бір баланы Осакаровка ауылына эвакуациялады. Жолаушылардың бірі денсаулығына байланысты ауруханаға жеткізілді. Қалғандары медициналық көмекті қажет етпеді.
Қарағанды облысы ТЖД ауа райы қолайсыз болған кезде түнгі уақытта алыс жолға шықпауға кеңес береді.