Қарағанды облысында үш жасар бала бесінші қабаттан құлап, мерт болды
Балқашта бесінші қабаттан құлаған үш жасар бала көз жұмды, – деп жазады aikyn.kz.
Алматы, NEGE. Қарағанды облысы төтенше жағдайлар департаментінің мәліметінше, оқиға 31 тамызда болған. Бала ата-анасының қарауынсыз қалды.
"Бала алған жарақаттарынан қайтыс болды. Оқиғаның мән-жайы анықталып жатыр", – деп хабарлады ведомстводан.
Еске салайық, бұған дейін Ақтауда әйел көпқабатты үйден құлап, көз жұмғанын жаздық. Қайғылы оқиға Ақтау қаласының №33 шағын ауданындағы көпқабатты үйлердің бірінде болды. Әйел оқиға орнында көз жұмды. Полиция өз-өзіне қол жұмсауға итермелеу фактісі бойынша қылмыстық іс қозғалғанын мәлімдеді.