Қарағанды облысында құрылысшы биіктен құлап, мерт болды
Қарағанды облысында құрылысы жүріп жатқан зауыт территориясында ер адам биіктіктен құлап, қаза тапты.
Алматы, NEGE. Қайғылы оқиға 2024 жылдың 3 қарашасында болды.
Болжам бойынша, марқұм монтаждау және дәнекерлеу жұмыстарын жүргізгіп жатқан мердігерлік фирманың қызметкері болған. Ол алған жарақаттарынан оқиға орнында көз жұмды.
«Құрылысы жүріп жатқан зауытта болған жазатайым оқиға фактісі бойынша ҚР Қылмыстық коекстің 156-бабының 3-бөлігі, яғни «Абайсызда адам өліміне әкеліп соқтырған еңбекті қорғау ережелерін бұзу» бойынша сотқа дейінгі тергеу басталды», деп хабарлады Қарағанды облысы полиция департаментінің баспасөз қызметі.
Қажетті сараптамалар тағайындалды, болған оқиғаның мән-жайы анықталып жатыр.
