5 Сәуір 17:00
Қарағанды облысында екі баланың мәйіті табылды
Қарағанды облысының Бұқар Жырау ауданында екі баланың мәйіті табылды.
Алматы, NEGE. Оқиға кеше, 4 сәуірде болған. 2 және 4 жастағы балалардың денесінен зорлық-зомбылық белгілері анықталды.
«4 сәуірде Бұқар жырау ауданындағы елді мекендердің бірінде зорлық-зомбылық белгісі бар 2 және 4 жастағы балалардың мәйіті табылды. Сотқа дейінгі тергеу басталды. Қылмыс жасады деген күдікпен балалардың анасы ұсталды. Ол уақытша ұстау изоляторына қамалды. Сараптама тағайындалды», - деп хабарлады Қарағанды облыстық полиция департаментінің баспасөз қызметі.
Ауыл тұрғындарының айтуынша, анасы балаларын тұншықтырып өлтірген. Оның мұндай әрекетке не үшін барғаны беймәлім.
