Қарағанды облысында белгісіз ер адам дүкенге ұрлыққа түсіп, сатушыны пышақтап кетті
Саран қаласында белгісіз ер адам дүкенге ұрлыққа түсіп, сатушыны пышақтап кетті. 27 жастағы әйел оқиға орнында қаза тапты. Марқұмның артында екі баласы қалды.
Алматы, NEGE. Белгілі болғандай ер адам дүкенді тонау үшін келген. Болған жағдай видеоға түсіп қалған. Кадрлардан сатушының қарақшыға барынша қарсылық танытқанын көруге болады.
Полиция қазір қылмыскерді іздеп, тергеу амалдарын жүргізуде.
«Күдікті адамды анықтау және ұстау мақсатында облыстың ішкі істер органдарының барлық жеке құрамы бағдарланған. Полиция департаменті қызметкерлерінің арасынан жедел-тергеу тобы құрылды. Жедел-іздестіру іс-шаралары жүргізіліп, оқиғаның мән-жайы анықталып жатыр», - деп хабарлады Қарағанды облысы полиция департаментінің баспасөз қызметі.