Қарағанды облысында 13 жастағы бала іздестіріліп жатыр
Қарағанды облысы Абай қаласында 13 жастағы Рыс Бибарыс із-түссіз жоғалып кетті.
Астана, NEGE. ІІМ мәліметінше, ол 1 сәуір күні үйінен шығып кетіп, қайта оралмаған.
«Жеке мәліметтері: Жасы – 13-те. Бойы шамамен 150–155 см, дене бітімі орташа. 7-сынып оқушысы.
Қара күртеше, қызғылт сары футболка, қара шалбар және жасыл аяқ киім киген», – делінген хабарламада.
Қазіргі уақытта полиция іздестіру жұмыстарын жүргізіп жатыр.
Полиция жасөспірімнің жүрген жері туралы қандай да бір ақпарат болса, «102» арнасына хабарлауды сұрайды.