«Қарағанды-Балқаш» автожолы пайдалануға берілді
«Қарағанды-Балқаш» арасындағы жолдың 363 шақырымында құрылыс жұмыстары аяқталды.
Алматы, NEGE. Бұл учаске «Орталық-Оңтүстік» (Астана-Қарағанды-Алматы) көлік дәлізінің бір бөлігі.
«ҚазАвтоЖолдың» мәліметінше, жол бойында 11 көпір, ауылшаруашылығы техникасына арналған 32 жолөтпе, 3 көлік жол айрығы, теміржол арқылы өтетін бір жолөтпе салынды.
Сондай-ақ 18 демалыс алаңы, 24 аялдама, 1,5 мыңдай жарық бағанасы орнатылды.
