Қар барыстары фотоқақпанға түсті
«Көлсай көлдері» ұлттық саябағында қар барыстары фотоқақпанға түсіп қалды, - деп хабарлайды Экология, геология және табиғи ресурстар министрлігі.
Алматы, NEGE. «Жақында «Көлсай көлдері» ұлттық саябағындағы фотоқақпанға қар барысы түсіп қалды. Былтыр саябақтағы фотоқақпанға Қызыл кітапқа енген жыртқыштар екі рет түсіп қалды: маусымда – екі аланы бар ұрғашы барыс, қазанда – екі барыс», – деді ведомство өкілі.
Саябақ әкімшілігінің ақпараты бойынша, оның аумағында тек 16 қар барысы бар. Жануарлар саны тұрақты.
Қар барысы (Uncia uncia Schreber, 1775) Қазақстанның Қызыл кітабына енгізілген. Біздің елде 120-130 басы бар, әлемде жеті мыңнан аспайды. Жыртқыштың санын есепке алу мен бақылаудың заманауи әдістерінің бірі - фотоқақпан қолдану. Елде 150-ден аса фотоқақпан құрылған.
