Қар көшкініне байланысты ШҚО-дағы республикалық маңызы бар жолдың бір бөлігі жабылды
2025 жылғы 12 қаңтарда сағат 09:00-дан бастап Шығыс Қазақстан облысында «Өскемен-Алтай-Үлкен Нарын-Катонқарағай-Рахман қайнар көздері» республикалық тас жолының бір бөлігі жабылды деп хабарлайды «ҚазАвтоЖол».
Алматы, NEGE. Қар көшкінінің профилактикалық түсуіне байланысты «Өскемен-Алтай-Үлкен Нарын-Катонқарағай-Рахман қайнар көздері» республикалық тас жолының 46-66 шақырым, яғни Северное ауылынан Серебрянск қаласы аралығында көліктің барлық түрлерінің қозғалысына шектеулер енгізілді.
«2025 жылғы 12 қантар сағат 15:00-де жолды ашу жоспарланған», – делінген ресми хабарламада.