Қапшағайда суға батып бара жатқан 5 адам құтқарылды

Алматы, NEGE. Оқиға 2021 жылдың 24 мамырында сағат 15.25-те болған. Алматы облысы ТЖД Жедел-құтқару жасағының құтқарушылары Қапшағай су қоймасын шолу кезінде №6 қалалық жағажай ауданында суға батып бара жатқан жастарды байқаған.

"Жедел құтқару жұмыстары нәтижесінде жағалауға 2002-2004 жылдары туған 5 жасөспірім шығарылды. Олардың бірі ес-түссіз күйде болған. Реанимация шараларынан кейін қыз есін жиған және жедел жәрдем қызметкерлеріне тапсырылды", - делінген хабарламада.

Кейін жасөспірімдердің  Алматы қаласынан демалысқа келгені анықталды.

Алматы облысының ТЖД өкілдері суға түсу кезінде қауіпсіздік ережелерін сақтауды сұрайды:

• Тек рұқсат етілген жерлерде шомылу. Суға мас күйде түспеу;
• Қатты ағысы бар тік жағалауларда, батпақты және өсімдіктер өскен жерлерде шомылмаңыз;
• Ағысы қатты жерлерде суға түспеңіз;
• Егер судың температурасы + 18 С төмен болса, шомылмаңыз;
• Жүзу тақталарын, бөренелерді, үй құрылғыларын пайдаланбаңыз;
• Жағадан алыс жерде үрлемелі төсеніш немесе баллондарда жүзуге болмайды;
• Балаларға суға түсуге болатын жерлерде ойнауға рұқсат бермеңіз;
• Шомылу кезінде кішкентай балаларды қараусыз қалдырмаңыз.