Қаңтардың басында күн райы қалай болады?
Синоптиктер 2020 жылдың 1-5 қаңтар аралығында ауа райы қандай болатынын айтты, – деп хабарлайды «Қазгидромет» РМК өкілдері.
Алматы, NEGE. «Атлантикадан және Жерорта теңізінен ығысатын атмосфералық фронттармен қар, бұрқасын, екпінді батыс желі, сонымен қатар республикамыздың оңтүстік облыстарында көктайғақ күтілсе, ауа температурасының төмендеуі күтілмейді», – делінген хабарламада. Сондай-ақ, жаңа жыл түнінде солтүстік, орталық және шығыс өңірлерде ауа температурасы жоғарылап, күндіз көптеген аймақтарда 0-8 градус аяз, оңтүстікте 0-10 градус жылыны құрайды.