Қаңтар оқиғасында кездейсоқ қаза тапқандардың отбасына 7 млн теңгеден берілд
"Қазақстан халқына" қоры ресми сайтында қаңтардағы жаппай тәртіпсіздік кезінде қаза тапқандар мен зардап шеккендердің жанұясына қаржылай көмек көрсетілгенін хабарлады.
Алматы, NEGE. Қор мәліметінше, жақында қаңтар оқиғасы кезінде кездейсоқ қаза тапқандардың жаңартылған тізімі келіп түскен. Осыған байланысты қор құзырлы орган кездейсоқ құрбан ретінде таныған 13 азаматтық тұлғаның отбасына қаржылай көмек көрсеткен. Сондай-ақ қаңтар оқиғасы кезінде ауыр жарақат алған 2 баланың ата-анасына да қаржылай көмек көрсетілген. Олардың бірі отбасымен бірге көлік ішінде отырғанда, ал екіншісі әкесімен көлікте отырғанда оқ жарақтын алған.
Қаржылай көмек зардап шеккен балалар туралы мәлімет түскеннен кейін көрсетілген. "Қазақстан халқына" қоры бұл санаттағы зардап шегушілерге көрсетілген қаржылай көмектің жалпы сомасы 97 млн теңгені құрағанын атап өтті. Яғни, қаза тапқандардың отбасына 7 миллион теңгеден, ауыр жарақат алған балалардың отбасына 3 миллион теңгеден берілген.
Қазір оқып жатыр
Алматыда полицей әкесінің өліміне байланысты күдікке ілінген екі жасөспірім үйқамаққа жіберілді
Сербия президенті Александр Вучич отставкаға кететінін мәлімдеді
Өзбекстан құрамасы Конгоға есе жіберіп, әлем чемпионатындағы ойынын аяқтады
Жамбыл облысында 1 млрд теңгедей қаржыға салынған канал опырылып түсті
