Қаңтар оқиғасы бойынша ҰҚК-нің 11 қызметкері жауапқа тартылды
ҚР Ұлттық қауіпсіздік комитетінің 11 қызметкері қылмыстық жауапкершілікке тартылды, деп хабарлады ведомство төрағасының орынбасары Марат Көлқобаев.
Алматы, NEGE. Мәжілістің жалпы отырысында Комитет төрағасының орынбасары Марат Қалқабаев комитет құрамында тиісті тексеру жүргізілгенін айтты.
– Қаңтар оқиғасынан кейін ҰҚК ауқымды қызметтік тексеріс жүргізді. Осы орайда бұйрық талаптары мен қызметті атқару тәртібіне, оның ішінде лауазымды тұлғалардың жауапкершілігіне қатысты елеулі өзгерістер енгізілді. Мұнымен қоса, бүгін талқыланып жатқан заң жобасында әр қызметкер іс-әрекетінің белгілі бір алгоритмі мен патриотизмді тәрбиелеуге бағытталған тиісті түзету көзделген, – деді ҚР ҰҚК төрағасының орынбасары Марат Қалқабаев.
Оның айтуынша, қазіргі кезде Ұлттық қауіпсіздік комитетінде қаңтар оқиғасы бойынша қылмыстық қудалауға байланысты 11 қызметкер қылмыстық жауапкершілікке тартылып жатыр. Кейбір істер бойынша тергеу аяқталды, кінәлілер қылмыстық жауапкершілікке тартылды.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
