13 Қараша 13:29
...
«Қаңтар» оқиғасы кезінде адам азаптаған полиция қызметкері сотталды
Алматы қаласының Қылмыстық істер жөніндегі мамандандырылған ауданаралық соты, кінәні мойындау туралы процестік келісімінің негізінде «қаңтар» оқиғалары кезінде жауапқа алынған адамды азаптағаны үшін (ҚК-нің 146-бабы) айыптау үкімін шығарды.
Алматы, NEGE. Қылмыстық істі Алматы қаласының арнайы прокурорлары тергеп-тексерді. Прокурорлар 2022 жылғы 8 қаңтарда Алмалы ауданының Полиция басқармасында кінәлі полиция қызметкерінің жеткізілген азаматқа қатысты азаптауларды қолданғанын дәлелдеді.
Полиция қызметкерінің құқыққа қарсы әрекеттерінің нәтижесінде жәбірленушінің денсаулығына зиян келтірген.
Кінәні мойындау туралы процестік келісімін ескере отырып, сот үкімімен сотталушыға арнайы атағынан және мемлекеттік қызметте жұмыс істеу құқығынан айыра отырып, 2 жыл 6 ай мерзімге бас бостандығын шектеу түріндегі жаза тағайындалды.
Үкім заңды күшіне енді.
