Кандидат Нұрлан Әуесбаев сыбайлас жемқорлықпен күреске мән бермек
20 қарашада өтетін кезектен тыс президент сайлауына орай бүгін кандидаттар арасында өткен телевизиялық пікірсайыс өз мәресіне жетті.
Алматы, NEGE. Кандидат Нұрлан Әуесбаев саяси реформалар жүргізіп, сыбайлас жемқорықпен күреске баса мән беретінін атап өтіп, елімізді парламенттік-президенттік республикаға айналдыру қажеттігін айтты.
«Сыбайлас жемқорлықпен күресті күшейту керек. Жемқорлық қылмыс барынша ұзақ мерзімге жазалануы тиіс. Олигархиялық капитализм емес, халықтық экономика құру керек», - деген кандидат мемлекеттің басты назарында адам болуы тиістігіне назар аудартты.
