Қанат Бозымбаев Үкімет жанынан Алатау қаласын дамыту жөніндегі жобалық кеңсесін құруды тапсырды
Премьер-Министрдің орынбасары Қанат Бозымбаев Ұлттық экономика, ауыл шаруашылығы вице-министрлерінің, Құрылыс және тұрғын үй-коммуналдық шаруашылық істері комитеті басшылығының, «Alatau» арнайы экономикалық аймағының, жергілікті атқарушы органдардың, сондай-ақ ірі инвесторлардың қатысуымен Алатау қаласын дамыту мәселелері бойынша көшпелі кеңес өткізді.
Алматы, NEGE. Жиында тұрғын үй-коммуналдық шаруашылық, автомобиль жолдары, денсаулық сақтау, білім беру және спорт нысандарын салу мәселелері талқыланды. Айта кетейік, Алатаудың құрамына 12 елді мекен кірді. Қаланың бас жоспары бекітілді, орталық мемлекеттік органдардың аумақтық органдары құрылды. Қаланың жалпы ауданы – 88 мың гектар, халқы шамамен 54 мың адам.
Алатау әкімі Әркен Өтенов бүгінгі күні қалада логистика, медицина және тамақ өнімдерін өндіру саласындағы жобалар іске асырылып жатқанын баяндады. 6 мыңнан астам жұмыс орнын құра отырып, 12 инвестициялық жоба үшін жер учаскелерін арнайы экономикалық аймақтың қарамағына беру жоспарланып отыр. Сондай-ақ, негізгі «маңызды» жобалар орналасатын 5,8 мың га аумақ анықталды. Алайда оларды құру және оларға инвесторларды тарту үшін бірқатар рәсімдердің мерзімдерін қысқарту қажет.
Қанат Бозымбаев баяндамаларды тыңдап, Алатаудың дамуы Мемлекет басшысының ерекше бақылауында екенін атап өтіп, министрліктердің, жергілікті атқарушы органдар мен кәсіпкерлердің қатысуымен Үкімет жанынан Жобалық кеңсе құруды тапсырды. Ол Алатаудың өмір тынысы мен жұмыс үшін инвестицияларды тартуға жағдай жасау бойынша мәселелерді жүйелі негізде шешетін болады.
Вице-премьер жобалау-сметалық құжаттаманы, салалық инфрақұрылымдық схемаларды әзірлеуді жеделдетуді тапсырды. 10 жұмыс күні ішінде әкімдік инвесторларды тарта отырып, даму жобаларын (зауыттар, фабрикалар, Әлеуметтік және объектілер) анықтап, келесі жылы оларды қажетті инженерлік-коммуникациялық инфрақұрылыммен қамтамасыз етуі қажет.
