Дүние
Канада орман өрті өршіп тұр
Канаданың бірнеше провинциясында орман өрті қаулап жатыр, деп хабарлайды «Хабар 24».
Алматы, NEGE.Әсіресе, Британдық Колумбия, Альберта, Онтарио мен Жаңа Шотландия провинцияларында жағдай күрделі. Мамандардың айтуынша, қызыл жалын осы уақытқа дейін 10 мың гектар жерді шарпыған. Ал, одан шыққан түтін жергілікті жұртқа ауыр тиіп жатыр. Торонто көшелерінде респираторсыз жүру мүмкін емес. Тұншығу, жөтел, тыныс алу жүйесінің нашарлауынан ауруханалар науқасға толған. Табиғи апат көршілес елдерге де әсер етіп жатыр. Алапат өрттің түтіні АҚШ-тың біршама аймағына тарап, ауа ластанды. Жергілікті билік барынша көмек көрсетіп, тұрғындарға тегін маска таратты.