Дүние
Канада ғалымдары қатерлі ісік жұғуы мүмкін деп болжауда
Онкологиялық аурулар адамнан адамға жұғуы мүмкін. Focus.de басылымының хабарлауынша, Канаданың зерттеу институтының ғалымдары «Адамдар және микробиом» атты зерттеуінің аясында осындай болжам жасаған.
Алматы, NEGE. Микробиом деп адамның текрісінде және ағзасында өмір сүретін өте ұсақ бактерияларды атайды. Жаңа гипотезаның авторлары адам ағзасына көшіп-қонып жүретін микробиомдар семіздік, жүрек-қан тамырлары ауруымен бірге сусамыр және рак дертінің қоздырғыштарын да тасымалдауы мүмкін деп тұжырады.
ДСҰ өкілдері бұл аурулар тұқым қуалауы мүмкін екенін және олардың пайда болуына қоршаған орта да әсер ететінін айтып, қателі ісік жұқтыру туралы болжамды жоққа шығаруда.
Ал ресейлік ғалым Владимир Анисимов бұған дейін жасанды жарық көздерінің әсерінен түн мезгілінде қараңғы болмауы онкологиялық аурулардың асқынуына және адамның қартаюына әкеп соғатыны туралы айтқан еді.