«Камызяки» тобының Алматыдағы концертіне билеттер сатылымы уақытша тоқтатылды
Kino.kz және Ticketon сайттарында «Камызяки» КВН командасының концертіне билеттерді онлайн сатып алу уақытша тоқтатылды.
Алматы, NEGE. «Сеансты брондау мүмкін емес (сеанс жойылды немесе брондау уақыты бітті)», - делінген Kino.kz сайтының билет сатып алу кезінде пайда болатын хабарламасында.
Бұған дейін жұртшылық «Камызяки» тобының Қазақстанда концерт беруіне қарсылық танытқан еді. Тіпті «Камызякидің» Қазақстанда жоспарланған концерттерін өткізбеу туралы петиция да жарияланған.
Еске салайық, «Камызяки» тобының мүшелері Азамат Мұсағалиев пен Денис Дорохов Ресей басып алған Украинана аймақтарына барып, Ресей әскері мен жергілікті халыққа қолдау білдірген еді.