Дүние
Камерунда футбол матчы кезінде жанкүйерлер бірін-бірі таптап өлтірген
Камерунда футболдан Африка кубогі ойыны кезінде көрермендер тапталып, 7 кісі опат болды. 40-тан аса адам жарақат алды.
Алматы. NEGE. Оқиға ел астанасы Яунде қаласындағы 60 мың адам сиятын стадионда болған. Алдыңғы матчтар кезінде ойындарды көруге келген жанкүйерлер аз барғандықтан билік адамдарға тегін билет таратқан. Соның алдарынан стадионға кіреберісте ығы-жығы халық жиналып, бір-бірін итеріп, дүрбелең туған. Куәгерлер қайғылы оқиға қақпаны ашу кезінде болғанын айтады.
- Біз келіп стадионға кіре берейік деп едік, полицейлер мен шлагбаумды көрдік. Тәртіп сақшылары «осы жерде күте тұрыңдар, үзіліс кезінде кіргіземіз» деді. Бірақ біреулер қақпаны ашпақ болды. Артынан адамдардың құлап жатқанын көрдім, - дейді куәгер.