Камчаткада тікұшақ құлаған жерден 17 жолаушының мәйіті табылды
Төтенше жағдайлар министрлігінің құтқарушылары Камчаткада Ми-8 тікұшағы құлаған жерден 17 адамның денесін тапты. Бұл туралы ТАСС агенттігіне Ресейдің Төтенше жағдайлар министрлігі хабарлады.
Алматы, NEGE. «Қазіргі уақытта 17 мәйіт табылды. Іздеу жұмыстары жалғасып жатыр», - деп хабарлады министрлік.
Бұған дейін хабарланғандай, кеше Камчаткада «Витязь-Аэро» әуе компаниясының Ми-8 тікұшағы жоалып кеткен. Әуе көлігі федералды агенттігінің мәліметі бойынша, бортта барлығы 22 адам: 3 экипаж мүшесі және 19 жолаушы болған.