Қамауға алынған Ыстамбұл мэрі президенттікке кандидат болмақ
Түркияның 15 миллионға жуық азаматы қамауға алынған Ыстамбұл мэрі Экрем Имамоғлуды ел президенттігіне кандидат ретінде ұсынды.
Алматы, NEGE. Бұл туралы Түркияның оппозициялық Халық-республикалық партиясының төрағасы Өзгүр Өзел Ыстамбұлда сөйлеген сөзінде мәлімдеді, деп хабарлайды NTV.
Сондай-ақ ол Түркия президенті Режеп Тайып Ердоғанды мерзімінен бұрын президент сайлауын өткізу туралы шешім қабылдауға және оларға Имамоғлумен сайлауда күресуге шақырды.
"23 наурызда еліміздің болашақ президенті Экрем Имамоғлуға партиямыздың 1,653 млн мүшесі дауыс берді. Бұл - қазіргі төңкеріс әрекетіне ең күшті жауап. Сондай-ақ азаматтарға бізге келіп, дауыс беру үшін ынтымақтастық жәшіктерін ұсындық. Нәтижесінде болашақ президент Экрем үшін 13,21 миллион дауыс алдық. Оған барлығы 14,85 миллионнан астам адам дауыс берді", – деді ХРП басшысы.
Өзел сауалнама нәтижелері Ердоғанның заңды сайланғанына күмән келтіріп, мерзімінен бұрын сайлау өткізу қажет екенін танытуда.
2025 жылы 23 наурызда Ыстамбұлдың қылмыстық сотының шешімімен мэр Экрем Имамоғлу тұтқындалды. Оған сыбайлас жемқорлық пен терроризмге ықпал етті деген айып тағылды.
