Камалжан Надыров коронавирустан қалай емделгенін айтты

Алматы, NEGE. «Індет ауыр дәрежеде өтті. Жалпы, классикалық сценарий бойынша өтті деп айтуға болады. Өкпем қабынды. Елордадағы стационарлардың бірінде емделдім», - деді К. Надыров Орталық коммуникациялар қызметіндегі онлайн баспасөз қызметінде.

Оның сөзіне қарағанда, ем-домды бекітілген диагностика және емдеудің клиникалық хаттамасына сай жасаған.

«Бұл стационарда 15 күн болдым. Осы орайда өзінің міндетін адал атқарып жүрген әріптестеріме шын жүректен алғысымды айтқым келеді. Олар тәулік бойы стационарларда қызмет етуде», - деді басқарма басшысы.

Сонымен қатар, ол инфекциядан емделіп жатқан науқастарды мамандардың барлық нұсқауларын орындауға шақырды. Еске сала кетейік, 22 сәуірде Денсаулық сақтау вице-министрі қызметінен босатылған Камалжан Надыровтан коронавирус анықталған болатын.