Калифорнияда шерифтің екі орынбасарын атып кетті
Сенбі күні Лос-Анджелес округі аумағында болған атыс кезінде шерифтің екі орынбасары оқ жарақатын алды.
Бұл туралы шериф кеңсесі Twitter-дегі жазбасында хабарлаған, деп жазады ҚазАқпарат.
Алматы, NEGE. «Шерифіміздің екі орынбасары Комптонда (Лос-Анджелес округіндегі қала, Калифорния) оқтан жарақат алып, жергілікті ауруханаға жеткізілді. Екеуінің де жағдайы ауыр, өмір үшін күресіп жатыр», – делінген хабарламада. Кеңсенің хабарлауынша, зардап шеккендер торуылдан шабуыл жасаған кезде патрульдік көлікте отырған. Шерифтің екі орынбасарының да жағдайы ауыр, оларға операция қажет болды. Патрульдік көлікке шабуыл жасағандар әлі анықталған жоқ.
