Қала әкімі Рысқұлов-Қонаев көшелерінің қиылысындағы жолайрық құрылысымен танысты
Шымкент қаласында Рысқұлов-Қонаев көшелерінің қиылысындағы жолайрық құрылысы қарқынды жүргізілуде.
Шымкент, NEGE. Қала әкімі Мұрат Әйтенов шаhардағы маңызды жолайрық құрылысында болып, жұмыс сапасын бақылады.
Нысан құрылысына жауапты мердігер - «Bazis Construction» ЖШС. Жолайрықтың жалпы ұзындығы Д.Қонаев даңғылы бойынша - 1 030 м, ал Т.Рысқұлов көшесі бойынша - 684,7 м. Жолдың ені - 45 метр.
Бүгінде инженерлік жұмыстар толығымен аяқталған. Бүгінде жер асты өткелінің жер жұмыстары, қада құю, тіреу қабырғаларын құю және Рысқұлов көшесінің Қонаев даңғылынан Байтұрсынов көшесіне дейінгі аралықта жол бөлігінің жұмыстары жүргізілуде.
Қонаев даңғылын тоннель арқылы көліктердің қозғалысы мен Рысқұлов көшесін көпірдің құрылысымен бірге көлік қозғалысы үшін қараша айында ашу жоспарлануда.
