Қақтығыста зардап шеккен ақсақалдың жағдайы белгілі болды
Ақсақалдың жағдайы туралы Азамат Ерғали есімді Facebook қолданушысы тікелей эфирден хабарлады.
Алматы, NEGE. Зейнеткер Алматыдағы №7 қалалық клиникалық ауруханада ем алып жатыр.
«Атамыз тірі, бірақ жағдайы мәз емес. Біраз соққы жеген. Қазіргі жағдайына қарамастан, ота жасауға дайындалып жатқан біздің Төлеген ата халықтан өшікпеуді сұрады. Бейбітшілікті қалайды. Ешқандай өш алудың керегі жоғын, халықтың зардап шегуінің қажеті жоқ екенін айтты. Бұл біздің аталарымыздың жомарттығы. Соларға құлақ асайық, тыңдайық», - деді Азамат Ерғали видеода.
«Халқыма рақмет! Тыныштық болсын, берекесін берсін. Тыныш өмір сүрейік. Жас балаларымыз ештеңеге ұрынбаса екен», - деп Төлеген ата халықты сабырға шақырды.
