Қайрат Нұртастың әйелі оқырмандарын сотқа берді
Қайрат Нұртастың жары, блогер, актриса Жұлдыз Әбдукәрімова хейтерлерге мән бере бермсейтін жұлдыздар қатарында. Алайда, келіншек жанұясына қатысты жағымсыз пікірлер айтылып жатқанда қарап қалмайтынын көрсетті.
Алматы, NEGE. Өнер иесі балаларына өлім тілеген екі келіншек пен өзіне Қайраттан артық ер адам таппайтынын жазған жігітті сотқа берген.
"Үндемеген сайын үдеп барады. Дәл осы жігітті және балаларыма өлім тілеген екі әйелдің үстінен заңгерлерім іс қозғауда. Әлеуметтік желіге де тәртіп керек. Осындай өрімдей жастар үйіндегі әке-шешесінің абыройын ойлай ма екен? "Балам үйде, қылығы түзде" деген. Бұл негативтің иесі туралы ақпараттың барлығы әп-сәтте жиналды. Енді ары қарай іс қозғалмақ", - деп жазды Әбдікәрімова.
